بالفيديو تامر أمين: استخدمت شعار تحيا مصر قبل السيسى .. وسلمت 3 من ضيوفي للأمن

اعترف الإعلامي تامر أمين، مقدم برنامج "من الأخر" على قناة روتانا مصرية، بتسليمه 3 من ضيوفه إلى الداخلية في برامجه المختلفة التي قدمها على الفضائيات.

وقال أمين خلال لقائه على قناة "تين": "أه سلمت 3 مش واحد، واحد إخواني أنا سلمته، مش فاكر اسمه أية، كان صحفي مغمور والإعداد جابوه، ولما طلع اكتشفت أنه مطلوب في قضايا مش عارف محكوم عليه أو متهم، والداخلية كلمونا في الفاصل وقالوا الراجل ده مطلوب، قولتلهم الراجل ده هيخرج بعد البرنامج من باب كذا بعد البرنامج استنوه، وبعترف أني سلمته".

 

ردا على سؤال حول هل ذلك مخالف للميثاق الإعلامي، رد أمين "إعلام أية، أنا بلتزم بقانون بلدي، يبقي فيه متهم مطلوب وأنا أهربه، وأنا اكتشفت لما الداخلية كلمتنا، الداخلية كلمتنا في الفاصل وقالوا الراجل اللي عندكم ده مطلوب على ذمة قضايا قولتلهم عينا الاتنين لكم".

 

وعن الحالة الثالثة، قال: "سلمت واحد تاني في قناة أل تي بي، فوجئت بضيف كان عضو في خلية حزب الله التي تم القبض عليها هنا في مصر، ومش فاكر اسمه، وهو كلمني وقالي أنا عايز أطلع، قولتله أنت راجل مطلوب والبلد كلها بتدور عليك، قالي معلش أنا عندي كلام وعايز أقوله، قولتله خلاص تنورني أهلا وسهلا، نفس الحكاية الداخلية قالتلي الراجل ده إحنا بندور عليه، قولتلهم أهلا وسهلا أنا في المكان فلان الفلاني تنوروا، والبوكس جه بضهره في الاستوديو".

 

اقرأ ايضاً :

معلم يغتصب طفلة بالصف الأول الإبتدائي

بالفيديو.. شاهد رجل يقطع يديه ليتوقف عن إدمان السرقة