شريف حسن يكتب .. من غير ليه
ليه السلعة فى كل سوبر ماركت بسعر؟!.. ليه الكلام متبعتر.. تايه؟!.. ليه الدمع على الخدود جف؟!.. ليه الصحافة فى تفرق وتمزق؟ ليه الصحافة لم تؤد دورها بمناقشة المسئول ومحاسبته والكشف عن كل تصرفاته الخاطئة للناس؟ ليه الصحافة الورقية فى انهيار ودون اهتمام؟ ليه تقوقعت المعارضة وانكمشت خشية غضب الحكومة؟ ليه تهميش الصحافة والصحفيين؟ ليه كل من هب ودب يكتب فى الجرائد؟
ليه الصحافة زمان كانت تريد تحقيق آمال الشعب في أن يُرى جميع المؤسسات وكل مستوى فيها، ملتزمة في أداء عملها؟!.. ليه عبدالناصر يذكره الكبير والصغير حتى الآن؟!.. ليه العقاد صاحب عبقريات؟!..
ليه عبدالوهاب موسيقار الأجيال؟!.. ليه الأرض اتقل خيرها.. ليه الإنتاج قلت عزيمته؟! ليه الاستروكس والترامادول منتشر وأكثر المضبوطات لدى الأجهزة الأمنية؟! ليه العلم بالفلوس.. ليّه القلب بقي للإيجار والحب في انهيار؟!.. ليه الفرح لحظات؟!.. ليه التليفزيون كله عنف ورقص وكباريه وسلملى ع المشاعر؟!.. ليه التليفزيون لم يقدم البساطة والوضوح والشخصية المتميزة والذوق الرفيع؟!
ليه الإعلان منغمس داخل الفيلم والمسلسل؟ ليه الدراما الآن بدون حبكة وتسلسل مشاهد؟ ليه المسلسل أجزاء ومط وملء فراغ المشاهد؟ ليه ميكروفون الإذاعة مش مسموع وواضح وفاقد لمضمون الرسالة؟ ليه القاهرة ٣٦٠ مبقاش زى الأول؟ ليه محمود سعد في باب الخلق؟ ليه إبراهيم عيسى فى «حوش عيسى».. ليه توفيق عكاشة رِجع تانى؟
ليه معدلات الطلاق بتزيد؟ ليه محمد رمضان «نمبر وان»؟ ليه الميكروباص بيقسّم مسافة السير ولو ركبت محطة زى طول الخط؟ ليه الفرخة برازيلى؟ ليه اللحمة سودانى؟ ليه علف الدواجن لا يُصنع محليا لتخفيف العبء علي فاتورة الاستيراد؟ ليه الزيت خليط؟ ليه الاحتفال بالأم يوم واحد؟!.. ليه جلال معوض مالوش مثيل؟!.. ليه مايرجعشى إبراهيم سعدة زى ما رجع رشيد؟!.. ليه الشرارة تحرق الحارة؟! ليه كلاب السكك تايهة عنهم عربية الكلاب؟! ليه ماركبناش كاميرات لضبط المرور من زمان؟! ليه النيل فى الأدب الشعبى يسمى بحر أو ترعة؟
ليه بنضبط التوك توك رغم إنه وسيلة مواصلات العشوائيات ولقمة عيش الغلابة؟ ليه سيد درويش فنان الشعب؟ ليه الفتوى من زيد وعبيد ونطاط الحيط؟ ليه التعليم الفنى في مرتبة متأخرة؟ ليه الخضروات كل محل وتسعيرته؟ ليه بطاقات التموين الذكية لم تصدر بسرعة مع العلم أن عدد البطاقات الورقية غير ضئيل؟ ليه أسعار الغاز ارتفعت للضعف رغم استخراج أرضنا الحبيبة منه كتير؟ ليه بدء حجز الطلاب في سناتر المدرسين؟ ليه أسعار شقق إسكان الفقراء وصل للمليون وأضعافه؟ من غير ليه..
